Bukidnon

(mga balak sa Ulan ni Rain Nabu-ab)

Gi-ilhan ka nga maoy lumad sa yuta,

Bulahan ug pinasahi nga mugna;
Labaw gayod sa tanan,
Pinili alang moalagad sa kinaiyahan.
 
Ikaw ang na-una apan karon ikaw gi-ilogan,
Ang unta imohang gasa gikan sa katigulangan;
Karon, dili na nimo maangkon,
Hinulsol sa imong kahimtang karon.
 
Apan, hawud ka ug kugihang nagpadayon,
Ngadto sa kinatumyan sa bulkan nagtigom;
Namugna ang bag-ong kaliwatan ug sa umaabot,
Sa kalamboan hapit na nimu makab-ot.